South Cotabato – Tinatayang Php1,000,000 na halaga ng marijuana ang binunot at sinunog ng South Cotabato PNP na nadiskubre sa intensified intel-driven operation sa Sitio Benigno, Miasong, Tupi, South Cotabato noong ika-26 ng Nobyembre, 2022.
Ayon kay Police Brigadier General Jimili Macaraeg, Regional Director ng Police Regional Office 12, naging matagumpay ang operasyon sa pinagsanib na pwersa ng Philippine Drug Enforcement Unit, Provincial Intelligence Unit, 1st Provincial Mobile Force Company, Tupi Municipal Police Station, South Cotabato Police Provincial Office; Regional Intelligence Division 12; PNP PDEG; RPDEU 12; at 1205th Maneuver Company, RMFB 12.
Ayon pa kay PBGen Macaraeg, nadiskubre ng mga operatiba ang 700 sq.m marijuana plantation site na may tanim na humigit kumulang 5,000 piraso ng fully-grown marijuana plants na may Standard Drug Price na Php1,000,000.
Kaagad namang binunot at sinunog ng mga operatiba ang mga nadiskubreng marijuana plants at walang naitalang nahuling marijuana cultivator.
Giit naman ni PBGen Macaraeg, na patuloy na papaigtingin ang kanilang pakikipag-ugnayan sa komunidad para mahuli ang mga nagtanim ng ipinagbabawal na halaman at papaigtingin ang pagpapatrolya para mapuksa ang mga ilegal na halaman sa kanilang rehiyon.
Panulat ni Patrolman Khnerwin Jay A Medelin
