Cagayan РNakumpiska ang Php1 milyong halaga ng hinihinalang shabu at marijuana sa dalawang suspek sa buy-bust operation ng Claveria Police Station at Philippine Drug Enforcement Agency II (PDEA ROII) nitong Linggo, Mayo 14, 2023 sa Brgy. D Lea̱o, Claveria, Cagayan.
Kinilala ni Police Colonel Julio Gorospe, Provincial Director ng Cagayan Police Provincial Office, ang mga suspek na sina alyas Lloyd, 24, binata, magsasaka at residente ng Claveria, Cagayan; at alyas Kyle, 27, binata, magsasaka at residente ng Sta. Praxedes, Cagayan.
Ayon kay PCol Gorospe, nahuli ang mga suspek matapos magbenta ng ilegal na droga sa mga pulis at operatiba na nagpanggap na poseur buyer.
Nakumpiska mula sa kanila ang isang (1) knot tied na ice bag na naglalaman ng humigit kumulang 40 gramo ng hinihinalang shabu na may tinatayang market value na Php408,000; apat (4) na bloke ng pinaghihinalaang pinatuyong dahon ng marijuana at dalawang (2) pahabang anyo ng parehong ilegal na droga na nakabalot ng brown packaging tape na may kabuuang timbang na humigit kumulang 6 kilo at may tinatayang market value na Php720,000; at isang (1) puting sobre na naglalaman ng isang tunay na One-thousand-peso bill at 149 na piraso na tig-isang libong pisong boodle money.
Nahaharap ang mga suspek sa kasong paglabag sa Republic Act 9165 o ang Comprehensive Dangerous Drugs Act of 2002.
Samantala, siniguro naman ni PCol Gorospe na hindi titigil ang buong hanay ng Cagayano Cops sa kanilang mas pinaigting na kampanya laban sa ilegal na droga sa lalawigan.
Source: Cagayan Police Provincial Office
Panulat ni Police Staff Sergeant Mary Joy D Reyes
