Zamboanga Del Norte – Nasabat ang tinatayang Php1,000,000 halaga ng assorted smuggled cigarettes sa isinagawang Checkpoint sa kahabaan ng Brgy. Mucas, Salute, Zamboanga del Norte nito lamang April 11, 2023.
Ayon kay Police Major Mark Joseph Porras, Officer-In-Charge, Salug Municipal Police Station, bandang 2:30 ng madaling araw nang naharang ang isang kulay blue na Isuzu mini dump truck na may Plate No. XAS 826 at inaresto ang drayber na si alyas “Jammal”, 43, may asawa, negosyante at residente ng Purok 6, Brgy. Mucas, Salug, Zamboanga del Norte dahil walang kaukulang papel na maipakita sa dalang mga assorted smuggled cigarettes.
Narekober ang walong boxes ng Champion, 14 boxes ng Fort, 10 boxes ng New Far at 20 boxes ng Astro na sigarilyo na may tinatayang halaga na Php1,000,000.
Naging matagumpay ang naturang operasyon sa pagtutulungan ng Salug Municipal Police Station, 2nd Zamboanga del Norte Provincial Mobile Force at Provincial Intelligence Unit ng Zamboanga del Norte.
Mahaharap ang mga suspek sa kasong paglabag sa Sec. 1401 (Unlawful Importation or Exportation) ng RA 10863 na kilala rin bilang Customs Modernization and Tariff Act (CMTA).
Ang Pambansang Pulisya ay nagpapaalala sa mamamayan na huwag gumawa ng ano mang ilegal na gawain o aktibidad upang hindi humantong sa pagkakakulong.
Panulat ni Patrolman John Ronald Tumonong/RPCADU 9
