Zamboanga City – Nasabat ang tinatayang Php195,000 halaga ng assorted smuggled cigarettes ng mga awtoridad sa Corcuera St. Brgy. Zone IV, Zamboanga City bandang 9:35 ng umaga nito lamang Abril 4, 2023.
Ayon kay Police Colonel Alexander Lorenzo, City Director ng Zamboanga City Police Office, nagsagawa ng Checkpoint ang mga operatiba ng Zamboanga City Police Station 11 nang naharang ang isang Suzuki mini-van kulay puti na may Plate No. JAE 8660 na nagresulta sa pagkakadiskubre ng 15 cases ng Cannon cigarettes.
Kinilala naman ang naturang suspek na si alyas “Abdullajid”, may asawa at residente ng Ranches Dr. Bangay Baliwasan Grande Zamboanga City at nahaharap sa kasong paglabag sa Sec. 1401 (Unlawful Importation or Exportation) ng RA 10863 na kilala rin bilang Customs Modernization and Tariff Act (CMTA).
Ang Pambansang Pulisya ay nagpapaalala sa mamamayan na huwag gumawa ng ano mang ilegal na gawain o aktibidad upang hindi humantong sa pagkakakulong.
Panulat ni Patrolman John Ronald Tumonong/RPCADU 9
