Nasabat sa isinagawang Search Warrant ng mga operatiba ng Pasay City Police Station Drug Enforcement Unit ang tinatayang Php195,000 halaga ng shabu at naaresto ang isang suspek na nakalista sa drugs watch list bilang Streel Level Individual nito lamang Sabado, Nobyembre 23, 2024 sa Barangay 185, Pasay City.
Kinilala ni Police Brigadier General Bernard Yang, District Director ng Southern Police District, ang suspek na si alyas “bongga”, 53 anyos, isang pintor.
Sa paghahalughog, nakuha ng mga alagad ng batas ang isang medium-sized na ziplock bag na naglalaman ng hinihinalang shabu, kasama ang apat na maliliit na heat-sealed plastic sachets na naglalaman ng hinihinalang shabu na pawang may bigat na humigit-kumulang 28.7 gramo na may Standard Drug Price na Php195,160, isang pulang sobre (ampao) at isang cellphone.
Sasampahan ng kasong paglabag sa Section 11, Article II ng Republic Act 9165, na kilala rin bilang “Comprehensive Dangerous Drugs Act of 2002” ang nahuling suspek.
Tiniyak naman ng SPD na tutugisin ang mga sindikato ng ilegal na droga upang mapagmalaki at lumakas ang turismo sa ating bansa na makakatulong upang umangat ang ating ekonomiya para sa Bagong Pilipinas.
Source: SPD PIO
Panulat ni PSSg Remelin M Gargantos
