Navotas City — Tinatayang Php193,120 halaga ng shabu ang nakumpiska sa dalawang suspek ng Navotas City Police Station nito lamang Sabado, Hulyo 15, 2023.
Kinilala ni PBGen Pince Rogelio I Peñones Jr, District Director ng NPD, ang suspek na sina alyas “Mabong” (pusher/listed), 37; at alyas “Manny” (pusher/not listed), 53.
Ayon kay PBGen Peñones Jr, nangyari ang operasyon bandang 02:05 ng madaling araw sa kahabaan ng M Naval St., Brgy. Tangos North, Navotas City.
Nakumpiska sa mga suspek ang limang (5) piraso ng heat-sealed transparent plastic sachet na naglalaman ng hinihinalang shabu at isang piraso na Php500 na ginamit na buy-bust money.
Nahaharap sa kasong paglabag sa RA 9165 o Comprehensive Dangerous Drugs Act of 2002 ang mga naarestong suspek.
Nananatili naman ang kapulisan ng Northern Metro sa pagpapatupad ng mga batas lalo na sa kampanya kontra ilegal na droga.
Source: NPD PIO
Panulat ni PSSg Remelin M Gargantos
