Arestado ang dalawang High Value Individual (HVI) sa isinagawang buy-bust operation ng Iligan City PNP sa Barangay Poblacion, Iligan City nito lamang ika-30 ng Hulyo 2024.
Kinilala ni Police Colonel Reinante B Delos Santos, City Director ng Iligan City Police Office, ang suspek na sina alyas “Chris”, walang asawa at alyas “Ebra”, 24 taong gulang na residente ng Ubaldo Llaya, Iligan City.
Nakumpiska mula sa mga suspek ang nasa 25 gramo ng hinihinalang shabu na may Standard Drug Price na Php192,992 at nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang matagumpay na operasyon ay bunga ng patuloy na pagpapaigting kontra ilegal na droga ng Police Regional Office 10 para mapanatiling ligtas ang nasasakupang komunidad.
