Las Piñas City — Timbog ang limang suspek dahil sa higit Php190K halaga ng ilegal na droga na nakumpiska sa kanila sa isinagawang buy-bust operation ng Las Piñas City Police Station nito lamang Sabado, Disyembre 10, 2022.
Kinilala ni PBGen Kirby John Kraft, District Director ng SPD, ang mga suspek na sina alyas Ivan, 18; alyas Philip, 18; alyas Lhennard, 22, delivery boy; alyas Prince Ivan, 22; at alyas Carl Spencer, 23, construction worker.
Ayon kay PBGen Kraft, bandang 4:20 ng madaling araw nang maaresto ang limang binatilyo sa Brgy. Aldana Las Piñas City ng mga operatiba ng Drug Enforcement Unit ng SPD.
Nasamsam sa mga suspek ang limang heat-sealed transparent plastic sachet na naglalaman ng hinihinalang shabu na humigit kumulang 28 gramo at may Standard Drug Price na Php190,400; isang tape sealed dried marijuana leaves na may fruiting tops; isang self-sealing transparent plastic sachet na naglalaman ng tuyong dahon ng marijuana na mayroon ding fruiting tops kung saan humigit kumulang 550 gramo ang bigat na may halagang Php66,000; isang walang serial number na kalibre 38 na revolver na may apat na live ammunition; LV sling bag; at isang Php1,000 na buy-bust money.
Reklamong paglabag sa Sections 5, 11 at Section 6 ng Art II ng RA 9165 o Comprehensive Dangerous Drugs Act of 2022 at RA10591 o Comprehensive Firearms and Ammunition Regulation Act ang kakaharapin ng mga naarestong suspek.
“Ang pagbuwag sa drug den ay itinuturing na isang high impact na operasyon dahil ang mga drug den ay pinagmumulan ng karahasan at kriminalidad na sumisira sa kapayapaan at kaayusan sa komunidad. Kaya ating binabati ang ating mga operatiba sa kanilang sipag at dedikasyon laban sa pagsugpo sa ilegal na droga,” ani PBGen Kraft.
Source: SPD PIO
Panulat ni PSSg Remelin M Gargantos
