Nasabat ang tinatayang Php19,800,000 halaga ng smuggled cigarettes sa isinagawang seaborne patrol at intensified border operation ng mga awtoridad sa Vicinity Waters ng Sinunuc Island, Zamboanga City nito lamang ika-29 ng Hunyo 2024.
Kinilala ni Police Lieutenant Colonel Jonathan A Yabo, Force Commander ng 2nd Zamboanga City Provincial Mobile Force Company, ang mga suspek na sina alyas “Manman”, 44 anyos; alyas “Pasing”, 27 anyos; alyas “Jes”, 19 anyos; alyas “Ariel”, 21 anyos; alyas “Karding”, 68 anyos; alyas “Mael”, 26 anyos; at alyas “Muking”, 23 anyos.
Bandang 11:45 ng gabi nang ikasa ang operasyon ng mga awtoridad ng 2nd Zamboanaga City Mobile Force Company katuwang ang Zamboanga City Police Station 4 na nagresulta sa pagkakaaresto ng mga nasabing suspek at nakumpiska ang isang motor boat, 102 master cases ng Fort Green, 99 master cases ng Green Hill, 52 master cases ng Delta Red, 49 master cases of New Berlin, 41 master cases of New Far, at tatlong master cases ng New Rar.
Ang matagumpay na operasyon ay patunay lamang na ang Pambansang Pulisya katuwang ang ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad at nagbibigay serbisyo na naaayon sa mga programa ni Pangulong Ferdinand R. Marcos Jr. na magkaroon ng maunlad at maayos na bagong Pilipinas para sa mga mamamayan.
Panulat ni Patrolwoman Louise Marie V Conde
