Kalinga – Tinatayang Php18,000,000 halaga ng Fully Grown Marijuana Plants ang nadiskubre ng Kalinga PNP sa isinagawang Marijuana Eradication Operations sa Buscalan, Tinglayan, Kalinga nito lamang ika-31 ng Mayo 2023.
Ayon kay Police Colonel Charles Domallig, Provincial Director ng Kalinga Police Provincial Office, nagsagawa ng Marijuana Eradication ang mga operatiba ng Kalinga Drug Enforcement Unit, Kalinga Provincial Intelligence Unit, Tinglayan PNP, 1st at 2nd Kalinga Provincial Mobile Force Company, Regional Police Drug Enforcement Unit, Regional Special Operations Group, Regional Intelligence Division, Regional Mobile Force Battalion 15, PNP Special Action Force, Philippine Army at PDEA Kalinga na nagresulta sa pagkadiskubre ng 90,000 fully grown marijuana plants sa 6,000 square meters communal forest na may Standard Drug Price na Php18,000,000.
Kaagad namang sinunog ang nadiskubreng marijuana samantalang walang naarestong suspek subalit patuloy ang imbestigasyon ng Kalinga PNP upang madakip ang mga taong nasa likod nito.
Sinisigurado naman ni PCol Domallig na hndi titigil ang mga operatiba ng Kalinga PNP bagkus mas lalong paiigtingin ang kampanya laban sa ilegal na droga para sa ikakaunlad ng kanilang nasasakupan.
