Nasamsam ang tinatayang Php189,856 halaga ng hinihinalang shabu sa isang buy-bust operation ng mga awtoridad sa Cogo, Maca-opao, Kalilangan, Bukidnon nito lamang Marso 19, 2025.
Ayon kay Police Captain Romeo M Arcilla Jr., Officer-In-Charge ng Kalilangan Municipal Police Station, naging matagumpay ang operasyon dahil sa pagsisikap ng mga tauhan ng Kalilangan MPS, katuwang ang Bukidnon Provincial Intelligence Unit, Regional Mobile Force Battalion 10, at PDEA-10 na humantong sa pagkakaaresto ng isang 29-anyos na lalaki, residente ng Pangantucan, Bukidnon.
Nakumpiska mula sa suspek ang kabuuang 27.92 gramo ng hinihinalang shabu na may Standard Drug Price na Php189,856, isang Php500 bill na ginamit bilang buy-bust money, at iba pang mga non-drug items.
Ang Pambansang Pulisya ay patuloy na magsasagawa ng pinaigting na operasyon laban sa iligal na droga upang mapanatili ang seguridad at kapayapaan sa komunidad.
