Laguna – Tinatayang Php188,000 halaga ng shabu ang nasabat sa isang lalaki sa ikinasang buy-bust operation ng Sta. Cruz PNP nito lamang Linggo, Agosto 13, 2023.
Kinilala ni Police Colonel Harold Depositar, Officer-In-Charge, Laguna Police Provincial Office, ang suspek na si alyas “Edward”, walang trabaho, residente ng Sta. Cruz, Laguna.
Ayon kay Police Major Laurence Aboac, Hepe ng Santa Cruz Municipal Police Station, naaresto ang suspek bandang 2:30 ng hapon sa Sitio Huwaran, Brgy. Pagsawitan, Santa Cruz, Laguna nang magbenta ng isang sachet ng hinihinalaang shabu sa isang poseur buyer kapalit ng Php500.
Nakumpiska sa suspek ang 18 pirasong plastic sachets ng hinihinalang shabu na may tinatayang timbang na 27.66 gramo na nagkakahalaga ng humigit kumulang Php188,000, isang pouch at isang pirasong Php500 bill bilang buy-bust money.
Nahaharap ang suspek sa kasong paglabag sa Section 5 at 11 Article 2 ng Republic Act 9165 o Comprehensive Dangerous Drugs Act of 2002.
Patuloy na paigtingin ng PNP sa tulong ng mga mamamayan ang kampanya kontra ilegal na droga para mapanagot ang mga nagtutulak at gumagamit nito at mapanatili ang ligtas, maayos at mapayapang komunidad.
Source: Laguna Police Provincial Office
Panulat ni Police Staff Sergeant Donabel T Dulin
