Nakumpiska ang tinatayang Php187,000 halaga ng hinihinalang ilegal na droga at isang baril sa ikinasang Search Warrant Operation ng pulisya sa Purok 1, Barangay Luklukan Sur, Jose Panganiban, Camarines Norte nito lamang Marso 25, 2024.
Ang operasyon ay isinagawa ng pinagsanib na mga operatiba ng Jose Panganiban Municipal Police Station, Camarines Norte PPDEU, HPT- Camarines Norte, RPDEU at PIU- Camarines Norte.
Naaresto ang suspek na kinilalang si alyas “Pantoy”, 44 anyos, matapos marekober sa loob ng kanyang pamamahay ang 27.5 gramo ng ilegal na droga na may katumbas na halagang Php102,000 at isang Caliber 45 na baril na may anim na bala.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Walang humpay ang PNP Bicol sa pagsasagawa ng iba’t ibang operasyon kontra ilegal na droga at pagsasagawa ng mga Search Warrant Operation upang masamsam ang mga unlicensed firearms na posibleng magamit sa mga ilegal na aktibidad.
Source: Jose Panganiban MPS-Camarines Norte PPO
Panulat ni Pat Rodel Grecia
