Tinatayang Php185,000 halaga ng smuggled cigarettes ang nakumpiska sa isinagawang search warrant operation ng mga tauhan ng Maritime Police Station – Misamis Oriental na nagresulta sa pagkakadakip sa isang indibidwal nito lamang Agosto 17, 2024 sa Naawan, Misamis Oriental.
Kinilala ni Police Captain Sidayao Jr., Station Chief ng Maritime PNP – CDO, ang suspek na si alyas “May May”, residente ng Barangay Maputi, Naawan, Misamis Oriental.
Nadakip ang suspek sa bisa ng Search Warrant Operation na may SW no. 080624-732 sa kasong paglabag sa Republic Act 10643 o “The Graphic Health Warnings Law”.
Nakumpiska ang 401 na reams ng moderm (Red); 137 reams ng moderm (white); 43 reams ng billionaire brand; 30 reams ng moderm (black) na may kabuuang halaga na nasa Php185,400.
Ang matagumpay na pagkakakumpiska ng mga kontrabando ay resulta ng mas pinaigting na operasyon laban sa kriminalidad at paglaban kontra sa mga smuggled na produkto ng Pambansang Pulisya.
