Arestado sa isinagawang buy-bust operation ng mga operatiba ng Taguig City Police Station Drug Enforcement Unit ang isang suspek sa Barangay Western Bicutan, Taguig City nito lamang Sabado, Disyembre 28, 2024.
Kinilala ni Police Brigadier General Manuel J Abrugena, District Director ng Southern Police District, ang suspek na si alyas “Tangkad”, 38 anyos.
Ayon kay PBGen Abrugena, nasamsam sa operasyon ng mga awtoridad ang humigit-kumulang 27 gramo ng shabu na may tinatayang street value na Php183,600, isang genuine na Php500 bill na ginamit bilang buy-bust money, tatlong piraso ng Php1,000 na boodle money, at isang black coin purse.
Inihahanda naman ang reklamong paglabag sa Republic Act 9165 o “Comprehensive Dangerous Drugs Act” laban sa naarestong suspek.
Hindi titigil ang SPD sa pagsugpo sa talamak na bentahan ng ilegal na droga sa kanilang distrito lalo na ngayong Holiday Season upang maging masaya at mapayapa ang bakasyon ng bawat isa.
Source: SPD PIO
Panulat ni PSSg Remelin M Gargantos
