Cebu City – Kumpiskado ang tinatayang nasa mahigit Php183,000 halaga ng shabu sa tulak ng droga na nasakote sa ikinasa na buy-bust operation ng mga operatiba ng Cebu City Police Office (CCPO) sa Brgy. Mabolo, Cebu City nito lamang ika-15 ng Nobyembre 2022.
Ayon kay Police Colonel Ireneo Dalogdog, City Director ng Cebu City Police Office, ang operasyon ay inilunsad bandang alas 7:30 ng gabi ng mga miyembro ng City Drug Enforcement Unit, CCPO sa pangunguna ni Police Major Dindo Juanito Alaras na humantong sa pagkakadakip kay alyas “Emil”.
Kasabay ng pagkakadakip sa suspek ay nakumpiska mula rito ang nasa 13 sachet ng hinihinalang shabu na may timbang na 27 gramo at may Standard Drug Price value na Php183,600.
Tiniyak naman ng Cebu City Police Office sa liderato ni Police Colonel Dalogdog na kanila pang pag-iibayuhin ang kampanya sa ilegal na droga sa lungsod maging sa lahat ng uri ng kriminalidad upang masiguro ang kaligtasan at kapayapaan ng komunidad.
