Antipolo City, Rizal – Tinatayang Php183,000 halaga ng shabu ang nasabat sa isang suspek sa buy-bust operation ng PNP Drug Enforcement Group at Rizal PNP nito lamang Miyerkules, Agosto 17, 2022.
Kinilala ni Police Colonel Dominic Baccay, Provincial Director, Rizal Police Provincial Office, ang suspek na si Edison Zamora Y Pumarada, alyas “Sonic”, 42, residente ng Malolos, Bulacan.
Ayon kay PCol Baccay, bandang 5:00 ng umaga naaresto ang suspek sa Cabrera Road, Brgy. San Roque, Antipolo City, Rizal ng mga operatiba ng Provincial Intelligence Unit at Provincial Drug Enforcement Unit ng Rizal.
Narekober sa suspek ang anim na pirasong heat-sealed transparent plastic sachets na naglalaman ng hinihinalang shabu na may timbang na 27 gramo na tinatayang nagkakahalaga ng Php183,600, dalawang pirasong Php500 bill na ginamit bilang buy-bust money, isang motorsiklo at isang itim na pouch.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang tagumpay ng Rizal PNP ay nagpapakita lamang na lalo pang paiigtingin ang seguridad ng mamamayan at probinsya ng Rizal mula sa mga ilegal na aktibidad, illegal drugs at kriminalidad.
###
Panulat ni Police Executive Master Sergeant Joe Peter Cabugon
