Calamba City, Laguna – Tinatayang Php183,600 na halaga ng shabu ang nasabat sa dalawang suspek sa isinagawang buy-bust operation sa Elepaño 1, Brgy. 3, Calamba City, Laguna nito lamang Lunes, Setyembre 5, 2022.
Kinilala ni Police Lieutenant Colonel Alexy Sonido, Acting Chief of Police ng Calamba City Police Station, ang dalawang suspek na sina Minso Sabuyugan Darang, 45, may asawa, walang trabaho at Omera Sabuyugan Baute, 24, may asawa, walang trabaho, pawang residente ng B14 Villa Isabel Subd., Brgy. Looc, Calamba City.
Ayon kay PLtCol Sonido, bandang 10:31 ng gabi naaresto ang dalawang suspek sa naturang lugar ng pinagsanib na puwersa ng Calamba City Municipal Police Station at Philippine Drug Enforcement Agency-Laguna.
Narekober sa dalawang suspek ang tatlong pirasong heat-sealed transparent plastic sachets ng hinihinalang shabu na may tinatayang timbang na 27 gramo at tinatayang nagkakahalaga ng Php183,600, tatlong pirasong Php100 bill, isang pirasong Php1,000 bill bilang buy-bust money, isang pouch at isang coin purse.
Nahaharap ang dalawang suspek sa kasong paglabag sa Sections 5 at 11, Article ll ng Republic Act 9165 o Comprehensive Dangerous Drugs Act of 2002.
Ang Calamba City PNP ay patuloy na paiigtingin ang kampanya laban sa ilegal na droga para siguraduhing ligtas at payapa ang buong lungsod ng Calamba.
Source: Calamba City Police Station
Panulat ni Police Staff Sergeant Donabel Dulin
