Nasabat ng mga awtoridad ang tinatayang Php180,880 halaga ng hinihinalang shabu mula sa Top 8 City High Value Individual sa isang buy-bust operation na isinagawa sa Purok 10, Barangay Bago Gallera, Talomi District, Davao City nito lamang Miyerkules, Nobyembre 20, 2024.
Kinilala ni Police Major Maynard D. Pascual, Chief ng Regional Police Drug Enforcement Unit 11, ang suspek na si alyas “Par”, 25 anyos at residente ng Barangay Aplaya, Digos City.
Ang operasyon ay pinangunahan ng RPDEU 11, katuwang ang SDEU ng Baliok Police Station at sa koordinasyon ng PDEA.
Narekober mula sa suspek ang humigit-kumulang 26.6 gramo ng hinihinalang shabu at nahaharap sa kasong paglabag sa Republic Act 9165 o ang “Comprehensive Dangerous Drugs Act of 2002”.
Patuloy ang Police Regional Office 11 sa pagtutok hindi lamang sa pagpapababa ng krimen at pagpapanatili ng kaayusan, kundi pati na rin sa pagpapalawak ng kooperasyon sa pagitan ng kapulisan at mga mamamayan, layuning magtulungan para sa kaligtasan at kaayusan ng komunidad.
Panulat ni Patrolwoman Shairra Rose A Aquino
