Tiklo ang Top 1 City High Value Individual at isang Street Level Individual sa isinagawang buy-bust operation ng mga awtoridad na nagresulta sa pagkakasabat ng tinatayang Php179,592 nito lamang ika-15 ng Hunyo, 2024 sa Purok 5, Barangay 23-C, Davao City.
Kinilala ni Police Captain Rizalito L Clapiz III, Officer-In-Charge ng Sta. Ana Police Station, ang dalawang suspek na sina alyas “Ungi”, 34 anyos, drayber at alyas “Rowel”, 37 anyos, isang forklift operator.
Narekober mula sa dalawang suspek ang humigit kumulang 26.4 gramo ng hinihinalang shabu na may Standard Drug Price na Php179,592, isang cellphone at buy-bust money.
Samantala, ang laban kontra ilegal na droga ay patuloy na pinapaigting ng Police Regional Office 11 sa pamumuno ni Regional Director Police Brigadier Nicolas D Torre III, alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
