Nasabat sa ikinasang Search Warrant operation ng mga tauhan ng Taguig City Police Station ang Php178,800 halaga ng shabu sa isang suspek sa Barangay Pinagsama, Taguig City bandang 10:05 ng gabi ng Martes, Agosto 20, 2024.
Kinilala ni Police Brigadier General Leon Victor Z Rosete, District Director ng Southern Police District, ang nadakip na suspek na si alyas “Tayman/Red”, 45 anyos.
Nasamsam ng mga awtoridad ang humigit-kumulang 26 gramo ng hinihinalang shabu na may tinatayang street value na Php176,800 at isang itim na coin purse.
Ang suspek ay nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy naman ang Southern Metro Cops sa pagtugis sa mga sindikato ng droga upang maprotektahan ang bawat mamamayan para sa isang ligtas at maunlad na Bagong Pilipinas.
Source: SPD PIO
Panulat ni PSSg Remelin M Gargantos
