Davao City – Arestado ang isang indibidwal sa isinagawang buy-bust operation ng mga miyembro ng Bajada Police Station sa Brgy. 18-B Obrero, Davao City nito lamang Enero 13, 2024.
Kinilala ni Police Major Antonio Luy Jr., Station Commander ng Bajada Police Station, ang suspek na si alyas “Dondon”, 40, residente ng Talomo, Davao City na tinaguriang Top 1 High Value Individual sa Regional Level.
Nakuha mula sa suspek ang dalawang pakete na naglalaman ng hinihinalang shabu na may bigat na higit kumulang 11 gramo na nagkakahalaga ng Php176,000, isang improvised na baril na may isang .38 caliber na bala, isang cellphone, isang sling bag at Php100 bill na buy-bust money.
Sasampahan ng kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 o Illegal Possession of Firearms.
Samantala, ang Police Regional Office 11 sa pangunguna ni Police Brigadier General Alden Delvo, Regional Director ay hindi titigil sa pagsugpo ng ilegal na droga at mga kriminalidad upang makamit ang maunlad, payapa, at ligtas na Rehiyon Onse.
Panulat ni Patrolwoman Shiena Mae Ilagan
