Tinatayang Php176,000 halaga ng Fully Grown Marijuana Plants ang nadiskubre ng mga awtoridad sa isinagawang marijuana eradication sa Sitio Lanipew, Tacadang, Kibungan, Benguet noong ika-5 ng Oktubre 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pinagsanib na pwersa ng mga pulisya sa pangunguna ng Benguet 1st PMFC, katuwang ang Kibungan MPS, Provincial Intelligence Unit/Provincial Drug Enforcement Unit, Benguet Police Provincial Office; Regional Intelligence Division, PRO-CAR, at PDEA-CAR.
Nagresulta ang operasyon sa pagkadiskubre ng isang plantasyon ng marijuana na may tinatayang lawak na 110 square meters at may nakatanim na 880 piraso ng Fully Grown Marijuana Plants na nagkakahalaga ng Php176,000 Standard Drug Price.
Bagama’t walang nahuling cultivator, lahat ng nadiskubreng marijuana ay naidokumento at sinunog sa mismong lugar.
Ang matagumpay na operasyon ng kapulisan ng Benguet ay kaugnay sa Benguet PPO “OPLAN RIVERSIDE 3” at OPLAN SAKUBO 21-2024 na naglalayong puksain ang ipinagbabawal na gamot sa ating bansa tungo sa mas maunlad na Bagong Pilipinas.
Panulat ni Pat Melanie Amoyong
