General Santos City – Timbog ng GenSan PNP ang dalawang Street Level Individual (SLI) matapos makuhanan ng mahigit Php175,000 halaga ng hinihinalang shabu sa Purok 4 Barrio B’laan, Brgy. Labangal, General Santos City nito lamang Setyembre 1, 2023.
Kinilala ni Police Colonel Nicomedes Olaivar Jr., Officer-In-Charge ng General Santos City Police Office, ang dalawang naarestong suspek na sina alyas “Nonoy”, 35 at alyas “Dats”, 26, parehong trycicle driver at kapwa residente ng nasabing barangay.
Bandang 6:45 ng gabi nang ikinasa ang anti-illegal drug entrapment operation laban sa dalawang suspek sa pangunguna ng mga tauhan ng General Santos City Police Drug Enforcement Unit katuwang ang General Santos City Police Station 2, City Intelligence Unit, CIDMU, City Mobile Force Company, Regional Police Drug Enforcement Unit 12, Regional Intelligence Division 12, Maritime Police Station at sa pakikipag-ugnayan sa PDEA 12.
Narekober mula sa pag-iingat ni alyas “Nonoy” ang apat na piraso ng plastic sachet na naglalaman ng pinaniniwalaang shabu na may kabuuang bigat na humigit kumulang 15 gramo na nagkakahalaga ng Php105,800.
Habang, aabot naman sa Php68,000 na halaga ng hinihinalang shabu, at buy-bust money ang nakuha mula kay alyas “Dats”.
Sa kabuuan, aabot sa Php175,160 na halaga ng shabu ang nasabat sa dalawang suspek.
Mahaharap ang dalawang suspek sa kasong paglabag sa Comprehensive Dangerous Drugs Act of 2002.
Ang matagumpay na operasyon ay bunga ng walang humpay na pagbibigay katuparan ng PNP upang tuldukan ang problema sa ilegal na droga at hadlangan ang mga panganib na dulot nito sa komunidad.
Panulat ni Patrolman Khnerwin Jay A Medelin
