Kalaboso ng mga tauhan ng Taguig City Police Substation 4 ang dalawang indibidwal na sangkot sa aktibidad ng ilegal na droga sa Barangay Ususan, Taguig City bandang 7:30 ng gabi nito lamang Miyerkules, Oktubre 23, 2024.
Kinilala ni Police Brigadier General Bernard R Yang, District Director ng Southern Police District, ang mga suspek na sina alyas “Rodel”, 60, at alyas “Robert”, 32.
Narekober ng pulisya mula sa suspek ang walong heat-sealed plastic sachets na naglalaman ng pinaniniwalaang shabu, na humigit-kumulang 25 gramo, na may tinatayang street value na Php170,000.
Reklamong paglabag sa Seksyon 11, Artikulo II ng Republic Act 9165 ang inihahanda laban sa mga naarestong suspek.
“Ang mga proactive na hakbang ng ating mga opisyal sa operasyong ito ay sumasalamin sa ating pangako na gawing mas ligtas ang Taguig. Patuloy nating ita-target ang mga aktibidad ng ilegal na droga at papanagutin ang mga nagkasala”, ani PBGen Yang.
Source: SPD PIO
Panulat ni PSSg Remelin M Gargantos
