Cavite – Tinatayang Php170,000 halaga ng shabu ang nasabat sa isang suspek sa ikinasang buy-bust operation ng Cavite PNP nito lamang Lunes, Enero 15, 2024.
Kinilala ni Police Colonel Eleuterio Ricardo Jr, Provincial Director ng Cavite Police Provincial Office, ang suspek na si alyas “Rogielyn”, residente ng Brgy. Luzviminda 1, Dasmariñas City, Cavite.
Naaresto ang suspek sa nabanggit na barangay sa pagtutulungan ng mga operatiba ng Provincial Drug Enforcement Unit ng Cavite Provincial Police at Dasmariñas Component City Police Station at nasamsam ang dalawang piraso ng heat-sealed transparent plastic sachets na naglalaman ng hinihinalang shabu na tumitimbang ng higit kumulang 25 gramo na nagkakahalaga ng Php170,000, isang android cellphone at isang pirasong Php500 bill bilang boodle money.
Nahaharap ang suspek sa kasong paglabag sa Section 5 at 11 ng Republic Act 9165 o Comprehensive Dangerous Drugs Act of 2002.
“Magtulong-tulong tayo at magpatuloy sa ating mas pinaigting na kampanya laban sa kriminalidad sa ating lalawigan,” pahayag ni PCol Ricardo Jr.
Source: Cavite Police Provincial Office
Panunulat ni Patrolwoman Angelica Rica S Teng
