Valenzuela City – Nasamsam sa isang lalaki ang tinatayang Php170,000 halaga ng shabu sa ikinasang buy-bust operation ng mga tauhan ng Valenzuela City Police Station nito lamang Sabado, Setyembre 23, 2023.
Kinilala ni PBGen Rizalito Gapas, District Director ng Northern Police District, ang suspek na si alyas “Bambi”, 26, residente ng Valenzuela City.
Ayon kay PBGen Gapas, bandang alas-8:15 ng gabi nangyari ang nasabing operasyon ng Station Drug Enforcement Unit (SDEU-VCPS) sa T Santiago Street, Barangay Veinte Reales, Valenzuela City na naging dahilan ng pagkakadakip sa suspek.
Nakumpiska sa kanya ang limang (5) pirasong heat-sealed transparent plastic sachet na naglalaman ng hinihinalang shabu na humigit-kumulang dalawampu’t lima (25) na gramo na may Standard Drug Price (SDP) na Php170,000; isang (1) pirasong tunay na Php100 at isang Php500 na may kasamang walong (8) piraso ng Php1,000 boodle money (buy-bust money); at isang (1) green coin purse.
Mahaharap sa kasong paglabag sa seksyon 5 at 11 sa ilalim ng Artikulo II ng RA 9165 o Comprehensive Dangerous Drugs Act of 2002 ang naarestong suspek.
Tiniyak ni PBGen Gapas na mananatiling agresibo ang kapulisan sa pagpapatupad ng batas laban sa ilegal na droga lalo na sa kanilang nasasakupan para sa kaligtasan ng bawat isa.
Source: NPD PIO
Panulat ni PSSg Remelin M Gargantos
