Taguig City — Tinatayang Php170,000 halaga ng shabu ang nasamsam sa ikinasang buy-bust operation ng nga tauhan ng Taguig City Police Station sa isang lalaki nito lamang Sabado, Setyembre 2, 2023.
Kinilala ni PBGen Roderick Mariano, District Director ng Southern Police District, ang suspek na si Rasul, 27 taong gulang.
Ayon kay PBGen Mariano, nadakip ng mga tauhan ng Taguig City Police Station Drug Enforcement Unit ang suspek bandang 11:10 ng gabi sa isang terminal ng tricycle sa Triumph, Brgy. South Signal.
Narekober sa nasabing operasyon ang limang heat-sealed transparent plastic sachet na naglalaman ng hinihinalang shabu, humigit-kumulang 25 gramo ang bigat na nagkakahalaga ng Php170,000.
Bukod pa rito, nakumpiska rin ang dalawang tunay na Php100 na may kasamang Php1,000 na ginamit na boodle money, coin purse at driver’s license.
Sasampahan ng kasong paglabag sa Section 5 at 11 ng Republic Act 9165 o Comprehensive Dangerous Drugs Act of 2002 ang nahuling suspek.
Ang kapulisan ng Southern Metro ay hindi magsasawang magpatupad ng mga batas lalo na ang pagsawata sa ilegal na droga.
Source: SPD PIO
Panulat ni PSSg Remelin M Gargantos
