Dasmariñas City, Cavite – Tinatayang Php170,000 na halaga ng shabu ang nasabat sa isang High Value Individual (HVI) sa isinagawang operasyon ng mga awtoridad sa Brgy. Salitran 4, Dasmariñas City, Cavite nito lamang Martes, Nobyembre 8, 2022.
Kinilala ni Police Colonel Christopher Olazo, Provincial Director ng Cavite Police Provincial Office, ang suspek na si Jhener Cuyson Soriano, 22, walang trabaho, residente ng Block 73, Lot 10, Brgy. San Juan, Damariñas City, Cavite.
Ayon kay PCol Olazo, naaresto ang suspek sa naturang barangay ng mga operatiba ng Provincial Drug Enforcement Unit ng Cavite PPO at Dasmariñas City Police Station.
Narekober sa suspek ang dalawang pirasong heat-sealed transparent plastic sachet ng hinihinalang shabu na tumitimbang ng 25 gramo na nagkakahalaga ng Php170,000, isang pirasong Php500 bill at walong pirasong fake Php1,000 bill na ginamit bilang buy-bust money.
Nahaharap ang suspek sa kasong paglabag sa Article 5 at 11 ng Republic Act 9165 o Comprehensive Dangerous Drugs Act of 2002.
Ang tagumpay ng Cavite PNP laban sa pagsugpo ng ilegal na droga at iba pang krimen ay bunga ng pinaigting na suporta at pakikipagtulungan ng mamamayan upang mapanatili na ligtas at mapayapa ang komunidad.
Panulat ni Police Executive Master Sergeant Joe Peter Cabugon
