Tinatayang Php170,000 halaga ng hinihinalang shabu ang nasabat sa dalawang drug suspek sa ikinasang buy-bust operation ng PNP at PDEA sa Barangay 101 New Kawayan, Tacloban City nito lamang ika-10 ng Marso 2024.
Kinilala ni Police Captain Jefferson P Arellano, Officer-In-Charge ng Tacloban City Police Station 3, ang mga suspek na sina alyas “Liklik”, isang High Value Individual, 39 anyos, residente ng Barangay 39 Siren, Tacloban City at si alyas “Sam”, isang Street Value Individual, 52 anyos at residente ng Barangay 152 Apelo Cruz, Pasay City.
Bandang 3:03 ng hapon ng ikasa ang operasyon ng mga tauhan ng Station Drug Enforcement Unit ng Tacloban City Police Station 3 sa koordinasyon sa Philippine Drug Enforcement Agency 8.
Nakumpiska sa mga suspek ang 6 na pakete ng hinihinalang shabu na may tinatayang timbang na 25 gramo at nagkakahalaga ng Php170,000 at isang genuine 500-peso bill na buy-bust money.
Mahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Pambansang Pulisya ay patuloy sa kampanya laban sa ilegal na droga at iba pang krimen upang mapanatili ang maayos at ligtas na komunidad tungo sa nagkakaisang layunin na Bagong Pilipinas.
Panulat ni Patrolwoman Camberleigh D Flores
