Milaor, Camarines Sur – Tinatayang nasa Php170,000 halaga ng shabu ang nakumpiska sa isinagawang PNP buy-bust operation nito lamang Miyerkules, Hulyo 6, 2022.
Kinilala ni Police Lieutenant Zuzette Pili, Officer-in-Charge ng Milaor Municipal Police Station, ang suspek na si Ricky De Leon y Cayonte, 43, residente ng Barangay Capucnasan, Milaor, Camarines Sur.
Ayon kay PLt Pili, nahuli ang suspek bandang 11:20 ng gabi sa Zone 4, Barangay Capucnasan, Milaor, Camarines Sur ng pinagsanib na pwersa ng mga operatiba ng Milaor MPS, Regional Police Drug Enforcement Unit 5 at Camarines Sur 1st PMFC.
Ayon pa kay PLt Pili, nakumpiska mula sa suspek ang isang heat-sealed transparent sachet na naglalaman ng hinihinalang shabu na may timbang na 25 gramo na tinatayang may street value na Php170,000, isang piraso ng Php500 buy-bust money at Php1,400 cash money.
Ang suspek ay mahaharap sa kasong paglabag sa RA 9165 o ang Comprehensive Dangerous Drugs Act of 2002.
Source: Milaor MPS CSPPO
###
Panulat ni Patrolman Rodel Grecia
