Iloilo City – Arestado sa isinagawang buy-bust operation ang isang babae matapos itong mahulihan ng Php170K halaga ng droga sa Brgy. North Baluarte, Molo, Iloilo City kahapon ika-19 ng Hunyo 2023.
Bandang 6:30 ng gabi ng isagawa ang drug-bust operation ng pinagsanib na mga operatiba ng Iloilo City Drug Enforcement Unit at Iloilo City Police Station 4.
Kinilala ni Police Captain Roque Gimeno III, Team Leader ng CDEU, ang nahuling subject person na si alyas “Bebe “, isang Street Level Individual, 37, at residente ng nabanggit na barangay.
Nakuha sa subject person ang limang pakete na naglalaman ng pinaniniwalaang shabu na tumitimbang ng 25 gramo ng ilegal na droga na nagkakahalaga ng Php170,000, Php12,000 buy-bust money, at ilang mga non-drug items.
Ang suspek ay nasa himpilan na ng Iloilo City Police Station 4 at mahaharap sa kasong paglabag sa RA 9165 o Comprehensive Dangerous Drugs Act of 2002.
Patuloy ang Iloilo City PNP sa kampanya kontra ilegal na droga upang ito ay tuluyang masugpo sa syudad upang mapanatili ang kaayusan sa nasasakupan.
