Lanao del Sur – Nakumpiska ang tinatayang Php170,000 halaga ng shabu habang arestado ang dalawang lalaki sa isinagawang buy-bust operation ng mga awtoridad sa Brgy. Talambo, Pualas, Lanao del Sur nito lamang Oktubre 19, 2023.
Kinilala ni Police Colonel Robert Daculan, Provincial Director ng Lanao del Sur Police Provincial Office, ang dalawang suspek na sina alyas “Norhakim” at “Raya”.
Nakumpiska mula sa dalawang suspek ang limang heat sealed transparent plastic sachets na may bigat na 25 gramo na tinatayang nagkakahalaga ng Php170,000, isang blue na bag, isang pulang waist bag, ilang lighter, isang yunit ng 45 caliber pistol na may isang magazine at tatlong bala.
Mahaharap ang dalawang suspek sa kasong paglabag sa RA 9165 o “Comprehensive Dangerous Drugs Act of 2002” at RA 10591 o “Comprehensive Firearms and Ammunition Regulation Act”.
Ang Lanao del Sur PNP ay mas lalo pang pahihigpitin ang kampanya kontra ilegal na droga at ang mga hindi nakarehistrong baril, lalo na ngayong gun ban para sa paghahanda sa nalalapit na Barangay at Sangguniang Kabataan Eleksyon 2023 para makamit ang isang maayos at maunlad na rehiyong Bangsamoro.
Panulat ni Patrolman Mark Vincent Valencia
