Arestado ang isang high value individual na suspek matapos mahulihan ng Php170,000 halaga ng hinihinalang shabu sa isinagawang buy-bust operation ng Cebu City PNP sa Sitio Bato, Barangay Ermita, Cebu City, noong ika-28 ng Agosto 2024.
Kinilala ni Police Major Philip John D Libres, Station Commander ng Police Station 5, Cebu City Police Office, ang High Value Individual na suspek na si “Ewed”, 45 anyos at residente ng Sitio Ermita Proper, Barangay Ermita, Cebu City.
Bandang 12:15 ng madaling araw ng ikinasa ng kapulisan ang operasyon na nagresulta sa pagkaaresto ng suspek at pagkasabat ng 14 plastic sachets ng hinihinalang shabu na may timbang na 25 gramo at may Standard Drug Price na Php170,000, buy-bust money at coin purse.
Mahaharap ang suspek sa kasong paglabag sa Section 5 at 11, Article II ng Republic Act 9165 o ang “Comprehensive Dangerous Drugs Act of 2002.”
Ang matagumpay na operasyon ay bunga ng maayos na pagpapatupad ng kampanya kontra ilegal na droga at matatag na pagtutulungan ng kapulisan ng Cebu City at mamamayan upang tuluyang masugpo ang ipinagbabawal na droga, tungo sa maunlad na Bagong Pilipinas.
Source: CCPO SR
