Camp Col Rodriguez, Butuan City – Tinatayang nasa Php170,000 halaga ng shabu ang nakumpiska sa naarestong suspek sa isinagawang buy-bust operation ng Butuan City PNP nito lamang Martes, Nobyembre 8, 2022.
Kinilala ni Police Brigadier General Pablo Labra II, Regional Director ng Police Regional Office 13, ang nadakip na si Junie Mendoza alyas “Cayagang”, 42, at residente ng Purok 3A-1, Brgy. Fort Poyohan, Butuan City.
Ayon kay PBGen Labra, bandang 3:35 ng hapon nang nahuli ang suspek sa kanyang tirahan ng mga operatiba ng City Drug Enforcement Unit ng Butuan City Police Station 2.
Nakumpiska ang dalawang pirasong heat-sealed transparent plastic sachets ng hinihinalang shabu na may kabuuang timbang na 25-gramo at may Standard Drug Price na Php170,000; isang keypad cellphone; at buy-bust money na Php2,000.
Mahaharap ang suspek sa kasong paglabag sa R.A. 9165 o Comprehensive Dangerous Drugs Act of 2002.
“In line with PRO13’s Project Thrust D.A.D.D.I, I laud the operatives of Butuan CPO in supporting our relentless campaign against the illegal drug that resulted in the apprehension on the suspect. Let this be a warning to all involved in this prohibited trade that Caraga Cops will not rest until you are swept off our streets,” pahayag ni PBGen Labra II.
Panulat ni Patrolman Jhunel Cadapan/RPCADU13
