Cagayan de Oro City – Tinatayang Php17,800,000 halaga ng ilegal na droga, paraphernalia at expired medicines ang sinira at sinunog ng mga awtoridad sa Cosmopolitan Funeral homes Inc., Capistrano Street, Cagayan de Oro City nito lamang Mayo 22, 2023.
Isinagawa ang pagsira at pagsunog sa mga ilegal na droga sa presensya ni Police Brigadier General Lawrence Coop, Regional Director ng Police Regional Office 10 kasama sina Atty. Teresa Blanco ng Public Attorney`s Office, Pros. Mat Kieven Naduma ng Department of Justice 10, Civil Security Group, Dir III Emerson Margate, Regional Director ng PDEA 10 at media.
Nasa 2,534.0548 na gramo ng shabu na may halagang Php17,231,527.64; 5,146.2954 na gramo ng marijuana na may halagang Php617,555.34 at Php569,745.44 na halaga ng expired medicines ang kabuuang sinira at sinunog.
“Sa pamamagitan ng mas pinatibay at pinalakas na ugnayan sa dalawang ahensya ng gobyerno, katuwang ang suporta ng komunidad, ay makakaasa po ang ating publiko sa mas pinaigting na kampanya natin kontra ilegal na droga,” pahayag ni PBGen Coop.
Panulat ni Patrolman Joshua Fajardo/RPCADU10
