Kalinga – Tinatayang Php17,440,000 halaga ng marijuana ang binunot at sinunog ng mga awtoridad sa Loccong, Tinglayan, Kalinga nito lamang Mayo 17-19, 2023.
Ayon kay Police Captain James Pangog, Platoon Leader ng 1st Kalinga Provincial Mobile Force Company, nagsagawa ng tatlong araw na marijuana eradication ang mga operatiba katuwang ang mga tauhan ng Kalinga Police Drug Enforcement Unit, Regional Drug Enforcement Unit PROCOR, Kalinga Provincial Intelligence Unit at PDEA Kalinga na nagresulta sa pagkakadiskubre ng tatlong plantasyon.
Dagdag pa ni PCpt Pangog, umabot sa 87,200 piraso ng mga fully grown marijuana plants na may Standard Drug Price na Php17,440,000 ang binunot at sinunog ng pulisya.
Samantala, wala naman nahuling cultivator sa nasabing operasyon.
Patuloy ang Kalinga PNP sa kampanya kontra ilegal na droga upang masugpo at mahuli ang mga nagtatanim ng marijuana para sa pagpapanatili ng kaayusan at kapayapaan sa buong probinsya.
