Bukidnon – Tinatayang nasa Php163,000 halaga ng shabu ang nasabat sa isang High Value Individual (HVI) sa ikinasang Search and Seizure Warrant Operation ng Malaybalay City Police Station sa Purok 2, Brgy. 9, Malaybalay City, Bukidnon nito lamang Pebrero 4, 2023.
Kinilala ni Police Colonel Reynante Reyes, Provincial Director ng Bukidnon Police Provincial Office, ang suspek na si alyas “Joel”, 37 anyos, residente ng Malaybalay City, Bukidnon at kabilang sa High Value Individual (HVI) PNP-PDEA Target Listed.
Nakumpiska mula sa suspek ang 17 pakete ng hinihinalang shabu na may timbang na 24 gramo na nagkakahalaga ng Php163,200, dalawang aluminum strips, isang maroon coin purse, dalawang disposable lighter, at isang sliding plastic container.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Tiniyak ng Malaybalay City PNP na paiigtingin pa lalo ang kampanya laban sa ilegal na droga at laging magpapatrolya sa lahat ng lansangan upang maiwasan ang talamak na bentahan at tuluyang masukol ang mga lumalabag sa batas.
Panulat ni Patrolman Edwin Baris/RPCADU10
