Batangas – Arestado ang isang lalaki matapos makumpiskahan ng ilegal na droga na may tinatayang halaga na Php163,000 sa ikinasang buy-bust operation sa Brgy. Coliat, Ibaan, Batangas nito lamang ika-27 ng Abril 2023.
Kinilala ni Police Colonel Pedro Soliba, Provincial Director ng Batangas Police Provincial Office, ang suspek na si alyas “Mansawi”, 38, residente ng Rosario, Batangas.
Naging matagumpay ang naturang operasyon sa pagsisikap ng Ibaan Municipal Police Station at PDEA 4A na nagresulta sa pagkakakumpiska ng dalawang pakete ng hinihinalang shabu na tinatayang nagkakahalaga ng Php163,000, isang black na Nokia cellphone at Php500 bill na ginamit bilang buy-bust money.
Nahaharap ang suspek sa kasong paglabag sa Sec 5 at 11 article II ng RA 9165 o Comprehensive Dangerous Drugs Act of 2002.
Patuloy ang Batangas PNP sa pagpuksa sa ilegal na droga sa kanilang nasasakupan upang maging ligtas ang bawat mamamayan at makamit ang kaunlaran.
