Benguet – Tinatayang Php160,000 halaga ng Marijuana ang nadiskubre ng mga awtoridad sa isinagawang Marijuana Eradication Oplan Herodotus 3 sa Sitio Dayasan, Kayapa, Bakun, Benguet nito lamang ika-18 ng Hulyo 2023.
Ayon kay Police Colonel Damian Olsim, Provincial Director ng Benguet Police Provincial Office, ang nasabing operasyon ay pinangunahan ng Bakun Municipal Police Station na nagresulta sa pagkadiskubre ng 800 piraso ng Fully Grown Marijuana Plants sa land area na may sukat na 200 square meters at may Standard Drug Price na Php160,000.
Kaagad naman itong binunot at sinunog ng mga operatiba ng Bakun PNP sa mismong lugar ng taniman.
Samantala, wala namang nahuling Marijuana Cultivator sa nasabing operasyon ngunit hindi titigil ang Benguet PNP sa pagpuksa sa mga ipinagbabawal na halaman at sa pagpapanatili ng kaayusan sa buong probinsya ng Benguet.
