Tinatayang Php160,000 Fully Grown Marijuana Plants ang nadiskubre ng Benguet PNP sa Sitio Proper, Tacadang, Kibungan, Benguet nito lamang ika-23 ng Setyembre, 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pagsisikap ng pinagsanib na pwersa ng mga pulisya sa pangunguna ng Kibungan Municipal Police Station katuwang ang Provincial Drug Enforcement Unit/Provincial Intelligence Unit, Benguet Police Provincial Office; Regional Intelligence Division, Provincial Intelligence Team (RIU 14), Land Transportation Interdiction Unit Cordillera (LTIU-CAR), at Philippine Drug Enforcement Agency-CAR.
Ang operasyon ay nagresulta sa pagkadiskubre ng dalawang site ng plantasyon ng marijuana sa isang komunal na kagubatan sa Kibungan. Ang una ay may tinatayang lawak na 10 square meters na may nakatanim na mahigit kumulang 2,500 na piraso ng marijuana seedlings na nagkakahalaga ng Php100,000 Standard Drug Price habang ang pangalawang site ay may tinatayang lawak na 60 square meters na may nakatanim na mahigit kumulang 300 na piraso ng Fully Grown Marijuana Plants na nagkakahalaga ng Php60,000 Standard Drug Price.
Bagamat walang nahuling cultivator, lahat ng halaman ng marijuana ay naidokumento, binunot at sinunog sa lugar.
Pinuri ni PCol Bayongasan ang mga operatiba sa kanilang matagumpay na operasyon at tiniyak na lalo pa nilang paiigtingin ang kampanya kontra sa ilegal na droga upang tuluyang matigil ang paglaganap ng pinagbabawal na gamot sa kanilang nasasakupan.
Ang pagpupursiging ito ng Benguet PNP ay bilang pagsuporta sa isinusulong ni Pangulong Ferdinand R. Marcos, Jr. na Whole-of-Nation Approach na kinakailangan upang masugpo ang paglaganap ng ilegal na droga at maging illegal drug-free ang bansa.
