Tinglayan, Kalinga – Tinatayang Php15,000,000 halaga ng halamang marijuana ang sinira at sinunog ng PNP Cordillera sa isinagawang dalawang araw na marijuana eradication “Oplan Stone Mountain” sa dalawang magkahiwalay na plantasyon sa Barangay Butbut Proper, Loccong at Tulgao, Tinglayan, Kalinga nito lamang ika-14 at 15 ng Abril, 2022.
Ayon kay Police Colonel Peter Tagtag, Jr., Provincial Director, Kalinga Police Provincial Office, matagumpay na naisagawa ang eradikasyon ng pinagsanib na puwersa ng Special Operations Unit CAR, PNP Drug Enforcement Group, Tinglayan Municipal Police Station, PNP Special Action Force, Drug Enforcement Unit Kalinga, Police Regional Office Cordillera, Regional Intelligence Unit 14, Regional Drug Enforcement Unit PROCOR at 503rd Maneuver Company ng Regional Mobile Force Battalion.
Ayon pa kay Police Colonel Tagtag, natuklasan sa mga nasabing lugar na may kabuuang sukat na 7,500 square meters ang mahigit kumulang 75,000 piraso ng fully grown marijuana plants na may tinatayang halaga na Php15,000,000.
Agad namang binunot at sinunog ng mga operatiba ang nadiskubreng mga marijuana sa mismong lugar ng taniman kung saan walang nahuling marijuana cultivator.
Ang matagumpay na operasyon na ito ng Cordillera PNP ay isa lamang resulta ng walang tigil at mas pinaigting na kampanya kontra sa ilegal na droga.
###
Panulat ni Patrolwoman Febelyne C Codiam
