Nasabat ang tinatayang Php159,800 halaga ng hinihinalang shabu sa isinagawang buy-bust operation ng Lanao del Norte PNP nito lamang Sabado, Hunyo 25, 2022.
Kinilala ni Police Brigadier General Benjamin Acorda Jr, Regional Director ng Police Regional Office 10, ang dalawang suspek na sina Jose M Parba, residente ng Purok 10, Brgy. Poblacion, Kapatagan, Lanao del Norte at Jubertshon Armada, residente ng Purok 1, Brgy. Curva, Miagao Salvador, Lanao del Norte.
Ayon kay PBGen Acorda, naaresto ang mga suspek sa Purok 1, Brgy. Poblacion, Kapatagan, Lanao del Norte ng mga operatiba ng Provincial Drug Enforcement Unit ng Lanao del Norte.
Ayon pa kay PBGen Acorda, ang dalawang suspek ay kabilang sa watchlist ng Directorate for Intelligence.
Nakumpiska sa mga nahuling suspek ang 9 na pakete ng hinihinalang shabu na may timbang na 25.3 gramo at tinatayang nagkakahalaga ng Php159,800.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Tinitiyak ng Police Regional Office 10 na kanilang ipagpapatuloy ang maayos at epektibong pamamaraan upang supilin ang ano mang uri ng kriminalidad at magkaroon ng kapayapaan sa Rehiyong 10.
###
Panulat ni Patrolman Edwin Baris/RPCADU 10
