Malabon City — Tinatayang Php156,400 halaga ng shabu ang nasamsam ng mga tauhan ng Malabon City Police Station sa dalawang suspek nito lamang Miyerkules, Hunyo 13, 2023.
Kinilala ni Police Brigadier General Ponce Rogelio Peñones Jr, District Director ng Northern Police District, ang suspek na sina alyas “Jay”, 41, Pusher/Newly Identified at si alyas “Jasmin”, 38, Pusher/Newly Identified, pawang mga naninirahan sa Malabon City.
Ayon kay PBGen Peñones Jr, nagsagawa ng buy-bust operation ang Station Drug Enforcement Unit ng Malabon CPS na nagresulta sa pagkakaaresto sa mga suspek bandang 9:30 ng gabi, sa kahabaan ng Banana Road corner University Avenue Brgy. Potrero, Malabon City.
Nakumpiska sa mga suspek ang anim na piraso ng heat-sealed transparent plastic sachet na naglalaman ng hinihinalang shabu na may kabuuang timbang na humigit kumulang 23 gramo at may Standard Drug Price (SDP) na Php156,400; isang tunay na Php500 at isang asul na supot.
Mahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Pinupuri ni PMGen Edgar Alan O Okubo, Regional Director ng NCRPO ang Malabon City Police Station sa walang patid na dedikasyon upang labanan ang ilegal na droga at mapanatili ang kapayapaan at kaayusan sa Lungsod.
Source: NPD PIo
Panulat ni PSSg Remelin M Gargantos
