Laguna – Nasamsam ang tinatayang Php156,400 halaga ng shabu sa isang lalaki sa ikinasang buy-bust operation ng Antipolo PNP nito lamang Oktubre 11, 2023.
Kinilala ni Police Colonel Rainerio De Chavez, Officer-In-Charge ng Rizal Police Provincial Office, ang suspek na si alyas ‘’Payat’’.
Naaresto ang suspek dakong 1:30 ng madaling araw sa Brgy. Mambugan, Antipolo City ng mga tauhan ng Antipolo City Police Station.
Nasamsam sa suspek ang limang sachet ng hinihinalang shabu na may timbang na 23 gramo at tinatayang nagkakahalaga ng Php156,400 at isang Php500 bill.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
“Pinupuri ko ang mga kapulisan at mga mamamayan sa walang patid na kooperasyon upang malutas ang problema sa ilegal na droga sa probinsya”, ani PCol De Chavez.
Source: Rizal Police Provincial Office
Panulat ni Police Staff Sergeant Donabel T Dulin
