Arestado ang isang lalaki sa ikinasang buy-bust operation ng Pasig City Police Station at nakumpiska ang Php153,000 halaga ng shabu nito lamang Tuesday, Nobyembre 19, 2024.
Kinilala ni Police Colonel Villamor Q Tuliao, Officer-In-Charge ng Eastern Police District, ang suspek na si alyas ” Ervin”, 35 taong gulang.
Nahuli ang suspek ng Station Drug Enforcement Unit ng Pasig CPS sa kahabaan ng Dr. Sixto Antonio Ave., Barangay Caniogan, Pasig City na humantong sa pagkakarekober ng 22.5 gramo ng hinihinalang shabu na nagkakahalaga ng Php153,000 kasama ang ginamit na buy-bust money.
Sasampahan naman ng kasong paglabag sa Republic Act 9165 o mas kilala bilang “Comprehensive Dangerous Drugs Act of 2002” ang nadakip na suspek.
Ang Eastern Police District ay patuloy lamang sa pagsasagawa ng mga Anti-Illegal Drug Operation para sa ikakaunlad at maayos na komunidad.
Source: Pasig City Police Station
Panulat ni PSSg Remelin M Gargantos
