Tinatayang Php150,000 halaga ng marijuana ang nadiskubre at sinunog ng mga awtoridad sa isinagawang marijuana eradication sa Minak, Tacadang, Kibungan, Benguet nito lamang ika-19 ng Hunyo 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, matagumpay ang operasyon dahil sa pinagsanib na pwersa ng Kibungan Municipal Police Station, Benguet Police Provincial Office, Regional Intelligence Division, Provincial Intelligence Unit/Philippine Drug Enforcement Unit at Philippine Drug Enforcement Agency-Cordillera.
Nadiskubre ng mga naturang grupo ang humigit kumulang na 750 piraso ng Fully Grown Marijuana Plants na nakatanim sa isang plantasyon na may kabuuang sukat na 150 square meters at tinatayang may Standard Drug Price na Php150,000.
Bagamat walang nahuling marijuana cultivator, kaagad namang binunot at sinunog ng mga operatiba ang nadiskubreng halamang marijuana.
Pinuri naman ni PCol Bayongasan ang mga operatiba sa kanilang matagumpay na operasyon at patuloy na paiigtingin ang kanilang kampanya kontra ilegal na droga upang matuldukan ang paglaganap ng ipinagbabawal na gamot sa kanilang nasasakupan.
