Davao City – Tinatayang Php150,000 halaga ng hinihinalang shabu ang nasabat sa maglive-in partner sa isinagawang buy-bust operation ng tauhan ng PNP at PDEA sa Pulang Lupa, San Jose, Brgy Angliongto, Davao City, noong Agosto 19, 2022.
Kinilala ni PMaj Jose Rodrigo Mendoza, Acting Station Commander ng Mandug Police Station, ang mga suspek na si alyas “Gie”, 29, at kalive-in partner nito na si alyas “Ner” na parehas residente ng nasabing lugar at tinaguriang Top 5 HVI sa Regional Level.
Ayon kay PMaj Mendoza, naaresto ang mga suspek sa isinagawang buy-bust operation ng pinagsamang tauhan ng Special Drug Enforcement Team ng Mandug PS katuwang ang PDEA XI sa nasabing lugar.
Dagdag pa ni PMaj Mendoza, nakuha mula sa mga suspek ang ilang pakete ng hinihinalang shabu na may bigat na humigit kumulang na 8 gramo na may street market value na Php150,000 at marked money na ginamit sa operasyon.
Ang mga suspek ay nasa kustodiya na ng nasabing istasyon upang sampahan ng kasong paglabag sa Republic Act 9165 o Comprehensive Dangerous Drugs Act of 2002 at upang dumaan sa tamang disposisyon.
Ang Police Regional Office 11 ay hindi titigil sa kanilang mga operasyon kontral ilegal na droga sa lungsod upang maging payapa at makapagbigay ng magandang serbisyo publiko sa pamumuno ni PBGen Benjamin Silo Jr., PRO11 Regional Director.
###
Panulat ni Patrolman Alfred Vergara
