Tinatayang Php150,000 halaga ng marijuana ang nadiskubre ng mga operatiba sa Sitio Lingey, Tacadang, Kibungan, Benguet nito lamang ika-6 ng Enero 2025.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pagsisikap ng pinagsanib na pwersa ng mga operatiba sa pangunguna ng Kibungan Municipal Police Station katuwang ang Provincial Intelligence Unit/ Provincial Enforcement Unit ng Benguet Police Provincial Office; Regional Intelligence Division-Police Regional Office – Cordillera, at Philippine Drug Enforcement Agency- Cordillera.
Ang operasyon ay nagresulta sa pagkadiskubre ng dalawang plantasyon ng marijuana na may tinatayang lawak na 150 square meters at may nakatanim na mahigit-kumulang 750 piraso ng Fully Grown Marijuana Plants na may kabuuang halaga na Php150,000 Standard Drug Price.
Bagamat walang nahuling cultivator, lahat ng nadiskubreng marijuana ay naidokumento at sinunog sa mismong lugar.
Pinuri naman ni PCol Bayongasan ang mga operatiba sa kanilang matagumpay na operasyon at patuloy ang pagsuporta sa isinusulong ng Pangulong Ferdinand R Marcos Jr na Whole-of-Nation Approach na kinakailangan para maging illegal drug free ang ating bansa.
