Valenzuela City — Tinatayang Php149,600 halaga ng shabu ang nasabat mula sa isang drug suspect sa isinagawang buy-bust operation ng Valenzuela City Police Station nito lamang Biyernes, Oktubre 21, 2022.
Kinilala ni Police Colonel Ponce Rogelio I Peñones Jr, Acting District Director ng Northern Police District, ang suspek na si Jun-jun Setazate alyas ‘Joking’, 32, residente ng Barangay Mapulang Lupa, Valenzuela City.
Ayon kay PCol Peñones Jr, bandang 4:00 ng hapon naaresto si Setazate sa Santolan Service Road, Barangay Gen. T. De Leon, Valenzuela City ng mga operatiba ng Station Drug Enforcement Unit (SDEU) ng Valenzuela CPS.
Nakumpiska sa suspek ang humigit kumulang 22 gramo ng shabu na tinatayang nagkakahalaga ng Php149,600, isang Php500 na buy-bust money, Php8,000 na boodle money, at isang Php200 cash.
Nahaharap si Setazate sa kasong paglabag sa Republic Act 9165 o Comprehensive Dangerous Drugs Act of 2002.
Patuloy na paiigtingin ng Northern Police District ang kampanya kontra ilegal na droga bilang pagmamalasakit sa publiko upang mapanatili ang kaayusan at kapayapaan ng lugar.
Source: Valenzuela City Police Station
Panulat ni PSSg Remelin M Gargantos
